GEHIAGO JAKITEN

ZER DA BULLYINGA?
Esaten dugu bullying edo berdinen arteko tratu txarrak daudela ikasle batek behin eta berriz eta denbora luzez irainak, gizarte-bazterkeria, larderia psikologikoa eta/edo oldarkortasun fisikoa bezalako ekintzak jasaten dituenean bere eskolakideren batengandik erasoa jasan duenaren dagokion biktimizazioarekin.Ekintza oldarkor guztiak, edo indarkeriazkoak, ez dira bullyinga;eskolako ohiko jarrerak, adibidez berdinen arteko borrokak, lagun-aldaketak eta hausturak, eskolako materialaren eta altzarien aurkako indarkeriazko jarrera, diziplina-eza, gela barruko eta kanpoko aztoramena… ez dira bullyinga.

Bullyingaz hitz egingo dugu honako baldintzak gertatzen direnean bakarrik:

1. Menderatze - mendetasun erlazioa dago; erlazio horretan bat erasotzailea eta bestea biktima.

2. Erasoak denbora luzez eta behin eta berriz gertatzen dira.

Tratu txarreko edo larderiako fenomeno guztietan honako eskema errepikatzen da: biktima babesgabe bat dago, boterea bere aurka erabiliz erasotzaile batek edo erasotzaile-talde batek tratu txarrak ematen dizkiona. Tratu txar hori taldean gertatzen da eta taldeko gainerako kideak jazarpen horren ikusle bihurtzen dira. Komeni da adieraztea ez dagoela biktimaren edo erasotzailearen profil bakarra; biktimak pasiboak edo probokatzaileak izan daitezke eta erasotzaileak aktiboak edo eragileak.
Bullynga inposatzen den “isiltasunaren eta beldurraren” legeak lagundu eta indartzen du. Tratu txarren biktimak ez dira jazarpena salatzera ausartzen errepresalien beldurragatik. Beren kideek ere ez dituzte laguntzen, ikusle pasibo gisa geratzen dira, biktimizazio-taldean sartu eta erasoen helburu bihurtzeko beldurrarekin egoeran esku hartu edo hori aditzera ematera ausartzen ez direnak, nahiz eta gehienek sentitzen duten hori egin beharko luketela.
Bullyingeko edo jazarpeneko jarrerak hainbat motakoak izan daitezke: fisikoak, psikologikoak, gizartekoak eta hitzezkoak:" jazarpen fisikoa: jotzea, bultzatzea, pasatzen ez uztea, atxikitzea, material pertsonalak puskatzea, material pertsonala lapurtzea,…